نیٹ فلکس دیکھنے اور پیزا کھانے والوں کو 500 ڈالر کی پیشکش

نیو یارک: ایک ادارے نے ایسے ملازمین کی تلاش شروع کردی ہے جو بس نیٹ فلکس دیکھتے رہیں اور پیزا کھاتے رہیں، اس کیلئے کمپنی انہیں 500 ڈالر تنخواہ ادا کرے گی۔
رپورٹ کے مطابق ایک امریکی ویب سائٹ بونس فائنڈر نے اپنی نئی ملازمت کیلئے اشتہار جاری کیا ، آسامی کا نام پروفیشنل بنج واچر ہے ۔اس مختصر مدتی ملازمت کیلئے ملازم کو ویڈیو سٹریمنگ پلیٹ فارم نیٹ فلکس دیکھنا ہوگا اور ساتھ ساتھ پیزا کھاتے رہنا ہوگا۔

کمپنی کا کہنا ہے کہ امیدوار کو نیٹ فلکس کی کوئی 3 سیریز دیکھنی ہوں گی اور ان کے پلاٹ، ہدایت کاری اور اداکاری پر ریویو پیش کرنا ہوگا۔علاوہ ازیں اس دوران ملازم کو مختلف مقامات کا پیزا کھانے کو دیا جائے گا اور ملازم کو پیزا کے ذائقے ، رنگ اور اجزا وغیرہ کی بنیاد پر اس کا بھی ریویو پیش کرنا ہوگا۔

اپنا تبصرہ بھیجیں